Leikskólinn Hamraborg tók til starfa í september árið 1964 og stendur við Grænuhlíð 24. Hamraborg er fjögurra deilda leikskóli með 93 börnum í 85 vistunarrýmum. Fjórar deildir eru í Hamraborg: Furuhlíð:1-3ára deild með 20 börnum. Birkihlíð: 1-3 ára deild með 20 börnum. Reynihlíð: 3-6 ára deild með 21 barni og Grenihlíð með 24 börnum 3- 6 ára. Allt starf leikskólans er byggt á Aðalnámskrá leikskóla.

Yfirskrift leikskólans er: ,,Við sjálf og umhverfið okkar". Hamraborg vinnur eftir þróunarsamvirknisstefnunni sem byggist á kenningum þriggja kennismiða; Erikson; sem lítur að mótun sjálfsins. Piaget; sem lítur að þróun vitsmuna og hugsunar. Dewey; áherslan á að læra með því að framkvæma. (Learning by doing)".  Í leikskólanum starfa sjö leikskólakennarar, tveir grunnskólakennarar og fjórtán leiðbeinendur. Leikskólinn leggur áherslu á skapandi starf og listir.

 

Einkunnarorð leikskólans er leikur, gleði, nám. Með þeim viljum við leggja áherslu á að barnið lærir í gegnum leikin, og gleðin verður að vera þar smferða.

Leikskólinn opnar klukkan 7:30 og er tekið á móti börnunum á Furuhlíð (yngri börn) og Reynihlíð (eldri börn). Morgun matur er kl.8:30 . Kl. 9:00 byrjar skipulagt starf á öllum deildum sem stendur til 16:00 en leikskólinn lokar kl. 17:30.

Í Hamraborg er unnið margbreytilegt starf. Lögð er áhersla á skapandi starf og er hinn sjálfsprotni leikur er í hávegum hafður, svo og hópastarf, á öllum deildum, val, "stig af stigi", könnunarleikurinn er á yngri deildum en könnunaraðferðin er á eldri deildum. Unnið er með vísindaleiki barna sem var og er þróunnarverkefni hjá okkur í saamvinnu við kennaraháskólan. Eins er það comeníusarverkefni sem er á döfinni með eldri deildunum. En það er alþjóðlegt verkefni sem unnið er með

Hópastarf

Í hópastarfi er börnunum skipt eftir aldri í smærri hópa. Börnin læra að vinna saman í verkefnum og taka tillit hvert til annars. Vinnustund hópsins hefst og lýkur á sama hátt. Ramminn sem er upphaf, athöfn og endir veitir börnunum öryggi, þau vita alltaf hvað er í vændum. 

 

                                                              Val